我上年年尾幫"必x站"買左幾個減肥plan,一直唔係好有效果(做左4個月體重都係正負8磅徘徊...之後在今年5月頭,佢地有個sales同我講,叫我join佢地個代言人plan,話一定減得好正...
我同個sales講話,我月入8千幾,之前買佢地個plan,每個月供5000,重邊度有錢,個sales就同我講話佢地日日同d客搞借錢分期,佢有辦法幫我搞,搞好後每個月都係供5000以內,但要供多1~2年...
我開頭都唔信,重叫個sales check清楚我個file(月入8千幾供5千,再借成10萬,邊有銀行借呀??)....個sales過左2日再搵我,話無問題,佢識人,一定搞得掂.....但要先簽幾張合同,向aeon同信用卡公司借左錢前可以問銀行批借貸(佢話銀行要看到借據,知道我真係有問人借錢才肯批)
我平日都無問銀行借過錢,又見佢地真係日日都係o甘幫d客做分期,都好似好熟手,就信左佢,簽左果幾張合同...
結果,5尾6月,aeon批左筆錢俾佢地公司後,個sales話忙,唔得閒幫我問銀行,等到6月中近尾才開始狂問銀行,結果無一間肯批俾我...個個同我講話我個信貸記錄花左(同時間太多信貸公司&銀行申請拿我的資料check),搞到我好鬼嬲......個sales猛話自己盡晒力,叫我2個月後再找他,她再重新幫我找銀行........
我就當自己黑仔,死慳死低的月供8千幾(比人工還多,重要從積蓄裡拿生活費)...從7月等到9月中,我打去搵"必x站"個sales,佢d同事話佢去左澳門,叫我搵個sales的partner...個接手的partner唔知頭唔知尾,從頭幫我找銀行借錢,結果10月頭就同我講話佢無能為力,叫我打去佢地寫字樓求救....我琴日打去佢地寫字樓,結果今日先覆我.....個answer都幾推卸責任架,佢話尼d係sales同個客之間的事,寫字樓幫唔到手,重叫我自己打去找人在澳門的sales.....
所以...想問一下大家,家下有咩又快又work的辦法解救?真係俾尼間公司清晒袋..乜錢都無了
我d積蓄尼個10月尾就用光了..到時真係要著紅衫跳樓留血書俾間"必x站"
減肥公司呃人 |
發表於 2008-10-9 23:38:08
收藏
提升卡
置頂卡
沉默卡
喧囂卡
變色卡
顯身卡