美容院,美容課程,美容化妝品批發,護膚品,美容學校資訊

標題: 高血壓、糖尿病、心臟病是否需要減肥才能真正醫治到？ [打印本頁]

作者: yin_dindin 時間: 2010-7-4 13:52
標題: 高血壓、糖尿病、心臟病是否需要減肥才能真正醫治到？
媽咪都係呢幾範嘅長期病患者, 好易有中風嘅風險。其實正確d講係要控制每餐份量和食物種類, 配合每日適量運動, 唔係要地獄式減肥。藥物係幫助控制病情惡化, 唔可以根治的。

例如:
盡量用蒸呢類唔駛額外用油嘅烹調方法, 食物以容易消化, 蔬果類為主, 少吃多餐。因為呢類病人用嘅藥, 便秘/ 難消化係其中一d後遺症。
高血壓 - 飲食應少鹽 (低鈉) 低脂, 少油, 連沖涼都唔可以太熱水, 避免剌激性食品 etc.
糖尿病 - 要 keep 住用血糖機檢測血糖, 飲食應低糖為主, 減吃澱粉類食品。食藥一定要定時, 以免影響療效。注意部份生果蔬菜含糖極高 (如蕃茄, 橙), 吃時注意份量, 避免睡前食用。
心臟病 - 飲食應低鹽少油, 小心膽固醇高食物 (如內臟)。
如果伯友52yrs, 而家學定控制食療差唔多架喇, 您要明白病人愈唔可以食嘅野就愈想食, 所以都需要家人一齊努力架。唔可以話佢就清淡, 您地就大魚大肉, 間中咪陪佢清清地, 行下晨運。出去食飯點d一家人都食得嘅菜式, 病人想飲下野咪用代糖但比佢飲幾淡好喇。
控制飲食 + 做運動永遠係最健康有效的減肥方法, 慣左就唔郁下手腳果日都唔安樂。仲有, 糖尿病人要小心保護眼仔+對腳, 出街一定要著襪仔著鞋, 對腳保持乾爽, 因為有d咩甩皮破損難好的。每年 check 一次眼仔呢d錢就唔可以慳。
唔清楚食得咩要戒咩就睇多d書, 報紙雜誌, 上網都有好多食物營養指引。因為我唔知伯友食緊咩藥同有幾高幾重, 所以您要睇番有咩唔可以食。例如食緊薄血藥病人唔要控制 vitamin k 攝取量 etc. 過胖人仕就要見營養師, 唔好亂黎。
講住咁多先, 希望伯友身體健康, 開開心心

如果大家都有d心得，就幫我做個問卷調查 ...幫你family members 都得架
你可以起個姓名到括住你幫佢問既名就ok 架啦=]

https://spreadsheets.google.com/viewform?formkey=dE5oYUtFQ3ZQQzhTY2Y0aGlpaVdXQVE6MQ

歡迎光臨美容院,美容課程,美容化妝品批發,護膚品,美容學校資訊 (http://www.yesbeauty.com/)